பிளஸ்-2 முடித்தவர்கள் கூட்டுறவு மேலாண்மை பட்டயப் படிப்பில் சேர விண்ணப்பிக்க கடைசி நாள்; ஜூலை 20,2026

 பிளஸ்-2 முடித்தவர்கள் கூட்டுறவு மேலாண்மை பட்டயப் படிப்பில் சேர விண்ணப்பிக்கலாம் என சென்னை கூட்டுறவு மேலாண்மை நிலையம் அறிவித்துள்ளது.

இது தொடர்பாக சென்னை கூட்டுறவு மேலாண்மை நிலையம் வெளியிட்டுள்ள செய்திக் குறிப்பில் கூறப்பட்டிருப்பதாவது: சென்னை கூட்டுறவு மேலாண்மை நிலையத்தில் 2026-27-ம் ஆண்டு முழுநேர கூட்டுறவு மேலாண்மை பட்டயப்படிப்பில் (Diploma in Co-operative Management) சேர ஆன்லைனில் விண்ணப்பங்கள் வரவேற்கப்படுகின்றன.

இதற்கு பிளஸ்-2 தேர்ச்சி பெற்றவர்கள் விண்ணப்பிக்க தகுதியுடையவர் ஆவர். குறைந்தபட்சம் 17 வயதுபூர்த்தி அடைந்திருக்க வேண்டும். வயது வரம்பு கிடையாது.

ஆன்லைனில் மட்டும்..

தகுதியுடைய நபர்கள் www.tncu.tn.gov.in என்ற இணையதளத்தை பயன்படுத்தி ஜூலை 20-ம் தேதி வரை விண்ணப்பிக்கலாம். விண்ணப்பக் கட்டணம் ரூ.100. ஆன்லைனில் விண்ணப்பத்தை பூர்த்தி செய்து அதற்கான சான்றிதழ்கள் மற்றும் புகைப்படத்தை ஆன்லைனில் பதிவேற்றம் செய்ய வேண்டும்.

ஆன்லைன் விண்ணப்பங்கள் மட்டுமே ஏற்றுக்கொள்ளப்படும். நேரடியாகவோ தபால் மூலமோகூட்டுறவு மேலாண்மை நிலையத்துக்கு விண்ணப்பித்திருந்தால் அந்த விண்ணப்பங்கள் எக்காரணம் கொண்டும் ஏற்றுக்கொள்ளப்பட மாட்டாது.

ஆக.3-ல் வகுப்பு தொடக்கம்

பயிற்சிக்காலம் ஓராண்டு. 2 செமஸ்டர்களை உள்ளடக்கியது. பயிற்சிக் கட்டணம் ரூ.20,750. புதிய பாடத்திட்டத்தின்படி பாடங்கள் தமிழ்வழியில் மட்டும் நடத்தப்படும். வகுப்புகள் ஆகஸ்ட் 3-ம் தேதி தொடங்கும். கூடுதல் விவங்களுக்கு 90427-17766 என்ற எண்ணில் தொடர்புகொள்ளலாம். இவ்வாறு அதில் கூறப்பட்டுள்ளது.

தொடக்க வேளாண் கூட்டுறவு சங்கங்களில் எழுத்தர் பதவியிலும், மாவட்ட மத்திய கூட்டுறவு வங்கி, நகர கூட்டுறவு வங்கி, மாநில தலைமை கூட்டுறவு வங்கி உள்ளிட்ட கூட்டுறவு வங்கிகளில் இளநிலை உதவியாளர், உதவியாளர் பதவிகளில் சேரவும் ஆவின் நிறுனத்தில் நிர்வாகி பணியிடத்தில் சேரவும் கூட்டுறவு மேலாண்மை பட்டயப் படிப்பு முடித்திருக்க வேண்டியதுகட்டாயம் என்பது குறிப்பிடத்தக்கது.

பயிற்சி கட்டண விவரம்

விவரம்	தொகை (ரூ)
கற்பிப்புக் கட்டணம்	8,000
விண்ணப்பப் படிவம் (ம) பதிவுக் கட்டணம்	100
நாட்குறிப்பு கட்டணம்	300
எழுது பொருள் கட்டணம்	600
தேர்வு கட்டணம் (ம) சான்றிதழ்	2,500
புத்தக கட்டணம்	2,000
நூலக காப்பீடு தொகை (திரும்ப வழங்க வேண்டியது)	300
தபால் கட்டணம்	207
கூட்டுறவு, கூட்டுறவு முரசு (ம) ஜெர்னல் ஆப் கோவா ப்பரேஷன் இதழ்களுக்கு	500
விளையாட்டுக் கட்டணம்	150
கணினி பயிற்சி கட்டணம்	1,500
நகை மதிப்பீடும் அதன் நுட்பங்களும்	4,543
அடையாள அட்டை	150
மொத்தம்	20,850

கட்டணம் செலுத்தும் முறை:

• விண்ணப்ப கட்டணம்: ரூ. 100/- (Online Payment only)
• பயிற்சி கட்டணம்: ரூ. 20,750/- (Online Payment only)
• மொத்த கட்டணம் ஒரே தவணையில் செலுத்த வேண்டும்.
• கட்டணம் திரும்ப வழங்கப்படமாட்டாது.
• பயிற்சி நிலைய இடமாற்றம் அனுமதிக்கப்படாது.

பயிற்சிக்கான திட்டங்கள்

புதிய பாடத்திட்டத்தின்படி கூட்டுறவு மேலாண்மை பட்டயப்பயிற்சி ஒரு வருட கால பயிற்சியாக இரண்டு பருவ முறைகளாக (Semester I & II) (6 மாதங்கள் + 6 மாதங்கள்) பிரிக்கப்பட்டுள்ளது. பின்வரும் பாடப்பிரிவுகளில் தமிழில் பாடம் நடத்தப்பட்டு, வகுப்பறை பயிற்சிகள் மற்றும் செய்முறை பயிற்சிகள் நடத்தப்படும்.

இறுதித் தேர்வினை தமிழில் மட்டுமே எழுத வேண்டும் (கொள்குறி வினா அடிப்படையில்). இப்பயிற்சியில் கீழ்க்கண்ட பாடங்கள் பயிற்றுவிக்கப்படும்.

முதல் பருவம்

1. பாடம் 1: கூட்டுறவு கருத்தியலும் நடைமுறையும்
2. பாடம் 2: கூட்டுறவு சட்டம் மற்றும் தொடர்புடைய சட்டங்கள்
3. பாடம் 3: நிதி கணக்கியல்
4. பாடம் 4: கூட்டுறவு மேலாண்மை மற்றும் நிருவாகம்
5. பாடம் 5: கணினி மேலாண்மை மற்றும் தகவல் அமைப்பு

இரண்டாம் பருவம்

6. பாடம் 6: கூட்டுறவு தணிக்கை
7. பாடம் 7: கூட்டுறவு வங்கியியல்
8. பாடம் 8: நகை மதிப்பீடும் அதன் நுட்பங்களும்
9. பாடம் 9: கடன் சார்பற்ற கூட்டுறவுகள்
10. பாடம் 10: செய்முறை பயிற்சி / கள ஆய்வு / திட்ட அறிக்கை தயார் செய்தல்

தேர்வு முறை மற்றும் தகுதி விவரங்கள்

இறுதித் தேர்வில் ஒவ்வொரு பாடத்திலும் 40% மதிப்பெண் பெற வேண்டும்.

• பாடம் 1-9: எழுத்து தேர்வு (30 மதிப்பெண்கள்) + அக மதிப்பீடு (10 மதிப்பெண்கள்) = 40 மதிப்பெண்கள்.
• பாடம் 10: எழுத்து தேர்வு (20 மதிப்பெண்கள்) + அக மதிப்பீடு (10) + களப்பயிற்சி (10) = 40 மதிப்பெண்கள்.

வகுப்பு வாரியான தகுதிகள்:

• 40%-59%: இரண்டாம் வகுப்பு
• 60%-74%: முதல் வகுப்பு
• 75% மேல்: சிறப்பு நிலை

மேலாண்மை நிலைய ஒழுங்குமுறை

• பயிற்சி நிலையத்தில் தேர்ந்தெடுக்கப்பட்ட பயிற்சியாளர்கள் பயிற்சி நிலையத்தின் சட்டம், விதிகள் மற்றும் ஒழுக்கக் கட்டுபாடுகளுக்கு கட்டுப்பட்டு நடக்க வேண்டும். வருகைப் பதிவு, விடுப்பு எடுத்தல் மற்றும் பயிற்சி நிலைய தேர்வுகள் சம்பந்தமாகப் பயிற்சி நிலைய சட்ட திட்டங்களுக்கு பயிற்சியாளர்கள் கட்டுப்பட்டு இருக்க வேண்டும்.
• பயிற்சி நிலையத்தின் சட்ட திட்டங்களை மீறி நடக்கும் பயிற்சியாளர்கள் எவ்வித முன் அறிவிப்பின்றி பயிற்சியிலிருந்து நீக்கப்படுவார்கள்.

பயிற்சிக்கான விண்ணப்பம் அனுப்பும் முறை

• விண்ணப்பங்கள் www.tncu.tn.gov.in வழியாக மட்டுமே சமர்ப்பிக்கப்பட வேண்டும்.
• விண்ணப்ப காலம்: 08.06.2026 முதல் 20.07.2026 மாலை 5:00 மணி வரை.
• தேவையான சான்றிதழ்கள்: SSLC, +2 மதிப்பெண் பட்டியல், மாற்று சான்றிதழ், ஜாதி சான்றிதழ்.
• விண்ணப்பத்தில் Digital Signature மற்றும் Passport Size Photo இணைக்கப்பட வேண்டும்.
• கட்டணம் செலுத்தப்படாவிட்டால், Payment Failure Button மூலம் மீண்டும் செலுத்தலாம்.

தேவையான சான்றிதழ்கள்:

• S.S.L.C மதிப்பெண் பட்டியல் மற்றும் +2 மதிப்பெண் பட்டியல் (Marksheet), பட்டப்படிப்பு பெற்றிருப்பின் அதற்கான Certificate
• மாற்று சான்றிதழ் (Transfer Certificate)
• ஜாதி சான்றிதழ் (Community Certificate)

குறிப்பு: இணையத்தளத்தின் வழியாக விண்ணப்பங்கள் சம்மந்தப்பட்ட கூட்டுறவு மேலாண்மை நிலையத்திற்கு 08.06.2026 முதல் விண்ணப்பிக்கலாம். விண்ணப்பிக்க இறுதி நாள் 20.07.2026 அன்று மாலை 5.00 மணி வரை. அதற்கு பின்னர் விண்ணப்பிக்கப்படும் விண்ணப்பங்கள் எக்காரணத்தை முன்னிட்டும் ஏற்றுக் கொள்ளப்படமாட்டாது.

விவரம்	தேதி / காலம்
விண்ணப்பிக்கும் காலம்	08.06.2026 முதல் 20.07.2026 மாலை 5.00 மணி வரை
சேர்க்கைக்கு தகுதியான பயிற்சியாளர்கள் பட்டியல் இணையதளத்தில் வெளியிடும் நாள்	22.07.2026
பயிற்சியாளர்கள் சேர்க்கைக்கு சான்றிதழ்கள் சரிபார்த்து சேர்க்கை மேற்கொள்ளும் நாள்	22.07.2026 முதல் 31.07.2026 வரை
பயிற்சி துவங்கும் நாள்	03.08.2026

விண்ணப்பங்கள் மேற்கூறிய நிபந்தனைகளுக்குட்பட்டு, தக்க சான்று நகல்கள் இணைக்கப்பட வேண்டும், அவ்வாறு இல்லையெனில் அவை நிராகரிக்கப்படும்.

கூட்டுறவு மேலாண்மை பட்டயப்பயிற்சி தமிழில் மட்டுமே பயிற்றுவிக்கப்படும்ம்.

பயிற்சிக்கான தேர்வுகளை தமிழில் மட்டுமே எழுத வேண்டும் (கொள்குறி வினா அடிப்படையில்).

விண்ணப்பதாரர்கள் கல்வி உதவி தொகை பெறுவதற்கான EMIS No.(+2 சான்றிதழில் உள்ளப்படி) அல்லது கல்லூரி பட்டபடிப்பு முடித்திருப்பின் UMIS No. (கல்லூரி சான்றிதழில் உள்ளப்படி) விண்ணப்பத்தில் கட்டாயம் குறிப்பிட வேண்டும்.

குழுவின் பரிசீலனைக்கு நேரில் வருகை தரும்போது அனைத்து அசல் சான்றிதழ்களுடன் (பத்தாம் வகுப்பு உட்பட) இரு சான்றொப்பமிட்ட (Self Attested) நகல்களையும் (Two copies with attested)  (கொண்டு வர வேண்டும்.